Tareanan den region di Caribe

Hulanda ta permanente presente den Caribe pa cumpli cu su ta reanan militar y algun tareanan policial. Na Aruba, Corsou y Sint Maarten, como paisnan autonomo den Reino Hulandes. Y tambe na Boneiro, Sint Eustatius y Saba como municipio special Hulandes.

Defensa den region di Caribe ta contribui na seguridad na tera y riba laman. 
 

Tareanan militar

E autoridadnan di Antiyas Hulandes por solicita Defensa pa asistencia militar. Defensa ta balota si nan por cumpli cu e peticion pa asistencia. Formanan di asistencia militar ta:

  • Sosten di Warda nos Costa region Caribense cu capacidad di observacion, pa vigila e awanan rondo di e islanan;
  • Sostene polis cu mantencion di orden publico, of di medidanan di covid;
  • Sostene Husticia cu teams specialisa den buskeda y teams pa explosivonan.

Mas aleu e 800 colaboradornan di Defensa den Caribe tin e siguiente tareanan:

  • Defensa di e fronteranan di e teritorio Caribense di Reino Hulandes;
  • Mantencion di e orden huridico internacional den caso por ehempel:
    • Trafico internacional di droga. Door di e ubicacion di e islanan, e regio di Caribe ta vulnerabel pa traficacion di droga via laman. E marina ta forma parti di e organisacion internacional pa combatimento di droga Joint In Inter Agency Task Force South.
    • Unidadnan militar di marina ta duna ayudo humanitario of ta mantene e orden publico den caso di un desaster of desgracia, manera den tempo di orcan. Tur aña di 1 di Juni te cu 1 di December, e marina ta para stand-by pa e tarea aki. 
    • Nan ta yuda tambe cu ehecuta accionnan di buskeda- y rescate den awanan Caribense. 
       

Tareanan policial den region di Caribe

E cuerpo Royal di marechaussee ta ehecuta tareanan policial tambe den region di Caribe. Esaki e ta haci pa militarnan Hulandes, Curasoleño y Arubiano y na localidadnan militar.

Ta bay pa e siguiente tareanan policial:

  • Combatimento di criminalidad conhuntamente cu e polisnan local y Warda nos Costa.
  • Vigila e fronteranan di e islanan di Caribe Hulandes.
  • Tur eventual tareanan policial na Flamingo Airport na Boneiro.
  • Percura pa atencion policial basico na Saba y Sint Eustatius hunto cu polis.
  • Yuda cu vigilamento di e fronteranan y supervision di inmigracion na Corsou, St. Maarten y Aruba
  • Combatimento di delitonan grave di violencia y casonan di droga y delitonan relaciona cu inmigracion na Corsou, Sint Maarten y Aruba.